![1499331833_zenski-magazin-nega-koze-nakon-sunca](https://panacea.mk/wp-content/uploads/2019/07/1499331833_zenski-magazin-nega-koze-nakon-sunca.jpg)
Соодветната нега на кожата после сончање е неопходна, тоа веќе е познато. Но што да користите?! Можете да купите готов производ, но можете и самите да „изматите“ нешто и да бидете сигурни дека имате квалитетен и здрав домашен производ. Така, со овој рецепт не само што ќе ја смирите и нахраните кожата, туку и ќе се заштите од убоди од комарци.
За приготвување на спрејот за нега после сончање ќе ви биде потребен сок од алое (100 мл), 2 лажици (30г) кокосово масло, масло од лаванда (5-10 капки) и нане (исто толкаво количество) и, се разбира, стаклено спреј-шишенце.
Начин на приготвување: На пареа во чинија стопете го кокосовото масло и измешајте го со сокот од алое. Потоа тргнете ја чинијата на страна и додадете ги маслата од лаванда и нане. Кога течноста ќе се излади, ставете ја во спреј-шишенцето. Пред секоја употреба добро протресете.
Алое верата смирува и хидрира, кокосовото масло храни, хидрира и спречува понатамошно исушување на кожата, а маслото од нане и лаванда ублажуваат иритации и ја ладат кожата, додека во истовреме ги одбиваат комарците.