Дебелината со себе носи бројни здравствени ризици и компликации, па од особено важност е да се води сметка за килограмите, исхраната и доволното движење. Јасно е дека во прв ред најважно е да се променат прехранбените навики и да се зголеми потрошувачката на калории со некоја форма на телесна активност. Тоа е наједноставна формула на која се се основа.
Ако одлучите да почнете борба со вишокот килограми, освен силна волја и дисциплина, неопходни се и природни решенија, кои се дрогацени помагачи на патот на слабеењето.
Сами можете да направите мал инхалатор кој секогаш можете да го имате во чанта или џеб, а ќе биде од голема помош во процесот на слабеење.
Во мало темно шишенце ставете лажичка морска сол. Тоа е основата за овој ароматераписки третман. Следниот чекор зависи од тоа која арома и мирисна нота ја преферирате. Во првата варијанта можете да ставите цитрусна комбинација во инхалаторот. Ако се одлучите за неа, во солта капнете 30 капки од етерично масло од грејфрут, четири капки етерично масло од лимон и една капка етерично масло од иланг-иланг. Во втората варијанта можете да ставите пеперминт комбинација, капнувајќи 20 капки етерично масло од нане, 10 капки етерично масло од масло од бергамот, 10 капки етерично масло од еукалиптус и една капка етерично масло иланг-иланг. Третата варијанта е арома на зачински билки, па во солта капнете 15 капки етерично масло од босилек, 15 капки етерично масло од мајоран, една капка етерично масло од оригано и една капка етерично масло од темјан.
За која варијанта и да се одлучите, важно е да знаете дека сите ќе имаат дејство кое вам ви треба, а тоа е намалување на аптетитот и потребата за храна. Инхалирајте се со мирисот од шишенцето пред секој оброк или кога ќе ви дојде потреба за храна, така што што ќе вдишете од мирисот три пати полека и потоа направете пауза. Таа процедура повторете ја три пати.
