![Detox-Water](https://panacea.mk/wp-content/uploads/2019/03/Detox-Water-696x462.jpeg)
Полиците во маркетите се полни со пијалоци за кои производителите тврдат дека се наменети за детоксикација на организмот. Во различни бои и вкусови, со различни додатоци, овие пијалоци всушност се полни со вештачки ароми и засладувачи.
Доколку навистина сакате да ги исчистите отровите од телото и да се ослободите од вишокот килограми, а тоа да го направите на вистинскиот здрав начин тогаш не посегнувајте по пијалоците во маркетите. Направете си самите вода за детоксикација. Така ќе бидете сигурни што пиете, а и резултатите ќе бидат видливи, во комбинација со физичка активност, килограмите сами ќе се топат.
Домашна вода за детоксикација
12 листови нане
1 среден органски лимон
1 средна органска краставица
1 лажичка рендан ѓумбир
2 литри вода
Темелно измијте ги лимонот и краставицата под млаз вода. Немојте да ги лупите бидејќи некои од најважните состојки се во кората. Исечете ги на тенки ленти и ставете ги во сад. Потоа во садот додајте ги листовите нане, ренданиот ѓумбир и налејте со 2 литри вода. Садот се остава во фрижидер, каде што треба да отстои околу 8 часа за да се добие совршена инфузија. Не заборавајте да промешате од време на време за сите овие хранливи материи и моќни антиоксиданси да влезат во водата.
4 причини зошто домашната детокс вода е одлична за вашето тело:
- Лимонот е вистински ресурс на витамин Ц кој го зајакнува вашиот имунолошки систем и го стимулира исфрлањето на отровите од вашето тело
- Краставицата содржи 90% вода што ја прави моќно средство за детоксикација. Исто така содржи антиоксиданти кои го забавуваат процесот на стареење
- Противвоспалителните својства на ѓумбирот ја зголемуваат ефикасноста на метаболизмот и неутрализацијата на токсините
- Листовите нане ја олеснуваат болката во стомакот и го забрзуваат процесот на согорување на маснотиите во телото.