Маточината е лековита билка која содржи висок процент на полифеноли – материи со силно антивурусно дејство. Благодарение на овие активни состојки, користењето на масло, крема или балсам со екстракт од маточина се скратува времето за заздравување на херпесот, а може да делува и превентивно доколку се примени веднаш штом на усните забележите меурче.
Подготовка: Една четвртина од стаклена тегла наполнете ја со сува маточина, па потоа прелијте ја со маслиново или со сончогледово нерафинирано масло. Оставете ја теглата да отстои 30 дена на темно место, но секој ден благо проклатете ја теглата. По 30-тиот ден содржината од теглата прецедете ја и префрлете ја во чисто стаклено шише. На овој начин ќе добиете домашно масло од маточина.
Ако сакате да направите мевлем, тогаш маслото од маточина загрејте го на пареа на температура од 50 степени Целзиусови, па со постојано мешање додадете 30 г рендан пчелин восок и 50 г ши путер. Кога течноста ќе стане компактна префрлете ја во соодветна кутија и чувајте ја во фрижидер.
