Иако на сите им е најважно бебето да е здраво и живо, сепак наклонетоста кон одреден пол и желбата да се добие момче или девојче е присутна со векови. Уште старите Грци се служеле со некои трикови во креветот, па за да добијат син за време на половиот однос лежеле на левиот колк. Ваквите навики не им се туѓи ниту на Французите, кои уште во 18 век го подврзувале левиот тестис за да си осигурат наследник, додека Данците под креветот ставале ножици за да добијат ќерка.
Денес ретко ќе чуете дека идните родители го прават ова, но никому не му се туѓи обидите и желбите да се дојде со саканиот пол, само што сега се користат „посовремени методи“.
Позата го одредува полот
Се верува дека на полот на детето влијае и позата за време на односот. Затоа ако сакате син водете љубов во стоечка положба, и тоа одзади. Бабите им советуваат на жените кои сакаат син да се концентрираат на уживањето на мажот, како и после сексот подолго да останат во лежечка положба затоа што на тој начин машката сперма ќе победи. Важно е иницијативата за секс да почне од мажот, затоа што и тоа е еден од начините да зачнете син.
Но ако сакате детската соба да ја бојадисате во розова нијанса концентрирајте се на задоволството на жената, водете љубов така жената да е врз мажот и препуштете и на жената таа да иницира секс.
Храната и полот
Според некои верувања храната може многу да влијае на полот на детето. Затоа татковците кои сакаат син треба да јадат повеќе црвено месо, да грицкаат чипс и да пијат пијалаци кои се базирани на сода. Но ако сакате ќерка јадете риба и зеленчук, но и слатки. Чоколадото, секако, треба да е неизоставен дел од вашето секојдневно мени.
Сè е до моментот
Но ни моментот кога водите љубов не е занемарлив. Кој сака син нека води љубов кога е четвртина месечина и нежните моменти нека ги остави исклучиво за ноќите и непарните денови во месецот. За ќерка водете љубов на полна месечина, секс имајте попладне, но внимавајте во парните денови од месецот.
