Нарушеното ментално здравје е сериозен здравствен проблем

Светскиот ден на менталното здравје секој година се одбележува на 10 октомври во организација на Светската федерација за ментално здравје во соработка со Светската здравствена организација. Оваа година денот се одбележува под мотото „Младите и менталното здравје во светот кој се менува“, со што акцент се дава на менталното здравје на децата и предизвиците со кои се соочуваат, укажувајќи на важноста на поддршката на родителите и наставниците.

Менталното здравје претставува важен дел од општото здравје на секој поединец. Лице со добро ментално здравје е задоволно, позитивно, способно да основа семејство и да биде среќно во него, прифаќа други луѓе, способно е да создава и да одржува пријателства, продуктивно е на работното мести и добро се носи со животните предизвици и стресови.

Од друга страна, пореметувањата на менталното здравје се сериозен здравствен проблем, кои поради се поголемата зачестеност, а особено честиот почеток во помлади години, го нарушуваат квалитетот на болниот и неговото семејство.

Статистичките податоци покажуваат дека менталните пореметувања се наоѓаат на врвот на најчести болести на денешницата, а Светската здравствена организација предвидува дека до 2020 година депресијата ќе стане втора по ред на листата на водечки болести. Затоа, од исклучителна важност е да се освести постоењето на таквиот проблем, да се препознае и навремено да се делува.

Светскиот ден на менталното здравје секој година се одбележува на 10 октомври во организација на Светската федерација за ментално здравје во соработка со Светската здравствена организација. Оваа година денот се одбележува под мотото „Младите и менталното здравје во светот кој се менува“, со што акцент се дава на менталното здравје на децата и предизвиците со кои се соочуваат, укажувајќи на важноста на поддршката на родителите и наставниците.