Насмевката е лек за се. Наместо болест, таа предизвикува здравје на душата и телото, ги поврзува луѓето и создава чувство на интимност. Достапна е за сите, се дели бесплатно и секој може да ја има. Секој ја разбира и лесно се користи и со овој природен лек не може да се претера. Станува збор за насмевката – чудо кое го јакне имуниот систем, дава енергија и ја намалува болката.
Како насмевката не прави поздрави?
Насмевката е природно решение и одговор за бројни здравствени прашања, а нејзината примена почнала да се истражува од 60-тите години од минатиот век. Денес е познато дека ништо побрзо на организмот не делува како добра доза смеење, создавајќи рамнотежа меѓу телото и духот. Алтернативната медицина како лек смеењето го користи илјадници години, а неговата лековитост се докажува се повеќе и во медицината. Смеењето помага да се намали чувството за грижа, страв и тегоби, поттикнува позитивен начин на размислување и влева надеж. А притоа го лечи и телото.
Што се случува во телото кога се смееме?
Го опушта телото – Искрена насмевка може да го опушти целото тело и да ве заштити од стрес и напнатост. Мускулите остануват опуштени и до 45 минути откако ќе престанете да се смеете.
Го јакне имуниот систем – Смеењето го намалува кортизолот – хормон на стресот, кој е најчест виновник за слабиот имунитет. Кога се смеете се јакнат клетките задолжени во борбата против инфекциите.
Го отпушта хормон на среќата – Освен што е задолжен за добро расположение, хормонот ендорфин кој се создава со смеењето ќе ви овозможи, макар и на кратко, да мислите дека со вас и целиот свет е се во најдобар ред. Овој хормон има можност и да го намали чувството на болка, иако трае само неколку моменти.
Ја подобрува работата на срцето и крвните садови – Доза насмевка ќе направи многу за вашето срце и крвите садови. Поттикнува подобра циркулација, го намалува крвниот притисок, а со тоа спречува бројни болести.
Лек за лошо расположение и депресија – Кога се смеете се чувствувате подобро. Тоа чувство го имате подолго време отколку и самото смеење, а поради тоа ќе имате сила да го задржите позитивниот став и полесно да се соочите со животните проблеми.
Смеењето е лек за тага, болка, чувство на беспомошност и самосожалување. Ги елиминира негативните чувства. Просто е невозможно во исто време да бидете и насмеани и загрижени.
Смеењето е заразно. Истражувањата покажале дека е многу позаразно од, на пример, зевањето, бидејќи мозокот реагира ако го чуе. Затоа, доколку на состанок или во автобус полн со луѓе не можете да престанете да се смеете, не грижете се, бидејќи наскоро ќе ви се придружат и останатите.
Со смеењето полесно ќе ги совладате конфликтите во семејството или на работа. Тоа ги поврзува и ги зближува луѓето, што е едно од решенијата за тимска работа.
