Лошото држење на телото, поточно на грбот, може да предизвика бројни здравствени проблеми – хронична болка во грбот и во вратот, несвестици, главоболки, па дури и артритис.
Стручњаците советуваат како да го поправите држењето на телото:
ЧЕКОР 1: Проверете го држењето. Застанете странично пред огледало, а потоа свртете ја главата. Би требало да можете да повлечете замислена рамна линија од ушната школка до колкот, колената и средишниот дел на скочниот зглоб. А, во седечка положба? Поставете ги стапалата со целата површина на подот, повлечете го задникот до крајот на столицата, така да со целиот грб се потпирате на столот, а тежината нека биде рамномерно распоредена на колковите. Потоа повлечете го рамената наназд, како би ги растегнале вратните мускули.
ЧЕКОР 2: Препознајте ги симптомите. Ако не седите како што треба, големи се шансите дека со тек на време ќе се појави вкочанетост и болки во вратот и во грбот кои може да станат хроничен проблем. Во почетна фаза, лошото држење може да предизвика главоболки, физичка слабост, како и вкочанетост на вратот и грбните мускули. Ако држењето не се поправи, можни се и посериозни проблеми: појава на артритис, васкуларни, мискулни пореметувања, како и болки во вратот, рацете и во нозете.
