Симптомите на инфекција со новиот коронавирус може да варираат од лице до лице, но утврден е најверојатен редослед по кој се појавуваат.
Најчесто пријавувани симптоми на болеста КОВИД-19 се покачена телесна температура, кашлица и замор. Останати симптоми кои се појавуваат вклучуваат краток здив (отежнато дишење), губење на мирис и вкус, болки во мускулите, главоболка, отечено грло, затнат нос, како и дигестивни проблеми како повраќање и пролив.
Редоследот на симптомите може да варира од лице до лице, но според студија од 2020. во која учествувале 55.924 лица, се дошло до заклучок околу тоа кога кој симптом се појавува.
Така прв симптом е покачена телесна температура, па следи кашлица, слабост и пролив.
Исто така, болеста може да се подели на блага, средно сериозна и сериозна.
Благите случаи на КОВИД-19 може да ги вклучуват овие симптоми, освен губење на воздух и потешкотии со дишењето.
Средно тешките случаи може да резултираат со белодробни заболувања како некомплицирани воспаленија на белите дробови, но заситеноста на крвта со кислород останува на 94 проценти или повеќе.
Тешки случаи на болеста се оние кога заситеноста со кислород (сатурација) паѓа под ова ниво кога ќе се појават знаци на сериозни болести на органите за дишење.
