Научниците од Харвард со модификација на ген успеале да излекуваат глувци кои биле родени глуви. Тие користеле Crispr CAS-9 метод со кој ги модифицирале ДНК клетките. Овој метод го „исклучил“ TMC1, генот кој предизвикува глувост. Луѓето го имаат истиот тој ген, па научниците се надеваат дека еден ден ќе ги користат овие методи и врз луѓето.
Техниката Crispr CAS-9 ја нарушува ДНК користејќи вирус инјектиран со течност што ја менува ДНК. Бил вбризган во внатрешниот дел од увото на глувците, кој е одговорен за собирање на звуци. Модифицираната ДНК им овозможува на клетките задолжени за звук да растат нормално. Истражувањето е објавено во списанието „Nature“.
„Постојат 100 различни гени кои предизвикуваат глувост во детството, но се уште немаме третмани со кои може да се модифицираат овие гени, со цел да се спречи губење на слухот. Истражувањето покажа дека тоа е можно со користење на специфичен протеин со кој се „замолчуваат“ овие гени и се спречува на губење на слухот, што е многу важно за луѓето кои бараат лек“, изјави Рафл Холм, директор на Центарот за истражување на губење на слухот.
