Јапонските истражувачи докажале дека маските може да пружат заштита од честичките на коронавирусот во воздухот, но дури ни маските со професионален квалитет не можат целосно да го елиминираат ризикот од инфекција.
Науниците од Универзитетот во Токио направиле безбедна комора со глави од кукли свртени една кон друга. Едната глава била опремена со распрскувач, симулира кашлање и исфрлала честички од коронавирус. Другата имитирала природно дишење со комора за собирање на вирусите кои минуваат низ дишните патишта.
Памучната маска го намалува примањето на вирусот за 40 проценти во однос на ситуација кога маска воопшто нема.
Медицинската маска N95, која ја користат медицинските стручњаци, ги стопира честичките на вирусот до 90 проценти. Но, дури и кога маската N95 целосно е прилепена за лицето, некои честички успеваат да се вовлечат.
Кога маската е ставена на лицето на куклата која кашла, памучните и хируршките маски блокираат повеќе од 50 проценти од честичките на вирусот.
“Синергискиот ефект се создаде во ситуација кога маски имаат и примателите на вирусот и распрскувачот на вирусот“, напишале авторите во студијата, објавена завчера.
Се поголемо е согласувањето меѓу здравствените стручњаци дека вирусот КОВИД-19 може да се шири преку воздух. Американскиот Центар за контрола и превенција на болести (CDC) овој месец ги ревидираше своите насоки велејќи дека патогенот може со часови да остане во воздухот.
Друга група на јапонски истражувачи со помош на суперкомјутерска симулација покажала дека влажноста на воздухот влијае на тоа како вирусните честички се шираѕ преку воздух.
