Дури и мала физичка активност е доволна да се зајакне врската помеѓу деловите на мозокот одговорни за формирање и чување на сеќавањата, откри група научници од Универзитетот во Калифорнија и Јапонскиот универзитет. Студијата беше објавена во списанието „Proceedings“ на Националната академија на науките.
Невробиолозите, користејќи томограф, ги анализирале показателите на мозочната активност на 36 здрави млади луѓе веднаш по мало физичко оптоварување. Резултатите покажале подобрување на интеракцијата на хипокампусот и областите на кортексот поврзани со мемориската функција. Со 10 минути активност на велосипед кај испитаниците имало пораст на сигналите на невроните, што било поврзано со подобри перформанси на мемориската задача на мозокот.
„Десет минути вежбање не е доволно да се создадат нови неврони, но ова е процес кој бара време. Во исто време, стана јасно дека оваа десетминутна физичка активност веднаш покажува влијание”, изјави директорот на Невролошкиот центар на калифорнискиот Универзитетот, Мајкл Јаса, кој претходно докажа дека на подолг временски период, физичката активност дава можност за создавање на нова серија неврони.
