Напис кој ќе биде објавен во списанието Emerging Infectious Diseases, што го издава Центарот за контрола и превенција на болести, тврди дека коронавирусот во еден кинески ресторан од едно лице се проширил на други девет, благодарение на системот за климатизација, пренесува Daily mail. Но, останатите 81 посетител на ресторанот не биле заразено со новиот коронавирус.
Во споменатиот напис, анализиран е инцидентот кој во јануари избил во ресторан во кинескиот град Гуангџоу во кој дошло семејство од Вухан.
Научниците велат дека еден член на семејството бил заразен, но дека немал никакви симптоми, и дека по помалку од две недели, девет лица од тој ресторан заболеле од КОВИД-19. Меѓу нив биле и членовите на семејството од Вухан, и уште две групи кои седеле на масите покрај нив.
Масите на кои седеле лицата кои се заразиле, се наоѓале на еден метар оддалеченост од масата на која седело семејството од Вухан, а научниците додаваат дека ресторанот нема прозори.
Во анализата пишува дека заразата во ресторанот најверојатно се проширила по капков пат. Но, како капки кои човек ги произведува со дишењето, кивањето и кашлањето во воздухот остануваат кратко и можат да минат мала дистанца, научниците заклучиле дека системот за климатизација го проширил вирусот во ресторанот.
“За да се спречи ширење на вирусот во рестораните, препорачуваме да се засилат системите за регулирање на температурата, да се зголеми оддалеченоста помеѓу масите и да се подобри вентилацијата“, препорачале научниците во истражувањето.
Овој напис доаѓа во момент кога не постои консензус околу тоа кога рестораните и кафулињата повторно би можеле да отворат.
Според проф. за заразни болести Вилијам Шафнер, од Универзитетскиот клинички центар Вандербилт, ова истражување може да послужи како поглед во потенцијалната иднина на угостителството.
Овие локали треба да отворат, додава тој, но тоа треба да се направи постепено во фази. Една од тие фази вклучува органичена работа на рестораните или кафулињата, како и пополнување на истите до половина капацитет.
