Откриен е протеин кој може да го забави развојот на рак на црниот дроб и овозможува рана дијагноза и поголема веројатност за преживување, објави Универзитетот во Базел.
Овој тип на рак најчесто ги погодува постарите мажи кои веќе страдаат од цироза на црниот дроб и често се детектира во поодмината фаза што го скратува периодот на преживување.
„Протеинот наречен LHPP го спречува неконтролираното ширење на клетките на ракот на црниот дроб”, објавија од швајцарскиот универзитет
Недостатокот на овој протеин го намалува за две години животниот век на пациентите.
Токму затоа треба по генетски пат да биде обновено производство на протеинот кај пациентите кои го немаат.
Наодите биле објавени во магазинот „Nature“, за кој главниот автор на истражувањето Сравант Хиндупур изјавил дека е „неверојатно што LHPP бил потполно отсутен во туморското ткиво, а бил присутен во здравото ткиво“.
Во рамки на истражувањето биле проучувани 4 000 протеини во здравото ткиво и во туморите на црниот дроб кај глувците.
„На ист начин како и кај глувчињата, очигледен е падот на нивото на LHPP кај пациентите со тумор кои страдаат од рак на црниот дроб“, додал Хиндупур.
