“Пред се, би сакала да нагласам дека физичката активност или занимавањето со некој вид на вежбање е корисно во секое време од денот. Повеќето јавноздравствени насоки во целост го занемаруваат времето кога вежбаме, фокусирајќи се главно на видовите на активности и нивниот интензитет“, истакнува авторката на студијата Гали Албалак, доктор на Одделот за интерна медицина при Медицинскиот центар на Универзитетот Лајден во Холандија.
Споредувајќи ги срцевите “инциденти“ со времето на вежбање, истражувачите утврдиле дека жените кои првенствено вежбале наутро, поточно во периодот помеѓу осум и 11 часот наутро, имале помал ризик од срцев и мозочен удар.
Кај мажите не се забележани успешни резултати
Во споредба со жените кои биле најактивни подоцна во текот на денот, кај оние кои биле најактивни наутро било откриено дека ризикот од срцеви заболувања е помал од 22 до 24 отсто, додека ризикот од мозочен удар бил дури за 35 отсто помал. Она што е особено интересно е фактот дека зголемен бенефит од утринското вежбање не бил забележан кај мажите.
“Не најдовме ниту една јасна теорија која би можела да ги објасни овие добиени резултати и информацијата зошто утринското вежбање делува кај жените, но не и кај мажите“, истакнува д-р Албалак, додавајќи дека ќе бидат потребни дополнителни истражувања за да се најде одговор на ова прашање.
