На белиот леб можеби му недостасуваат здрави состојки што ги содржи црниот, но тоа не е пречка. Истражувањата покажале дека белиот леб е составен дел од трпезите на дури 76% од домаќинствата во Европа, а кога веќе е така, тогаш подобро е да се искористи на најдобриот можен начин.
Според истражувањата на научници од Универзитетот Оксфорд, еден едноставен трик може да ја претвори оваа “нездрава“ намирница во суперхрана.
До сега најголема маана на белиот леб е високиот гликемиски индекс (број кој го изразува интензитетот на излачување на инсулин по внесувањето на некоја намирница). Белиот леб предизвикува краткотраен скок на нивото на шеќерот во крвта, пој потоа предизвикува пад на енергијата. Меѓутоа, научниците докажале дека тостирано парче леб, кифла или друго бело пециво може да станат мал извор на енергија, ако претходно се замрзнат.
Замрзнувањето пред тостирањето ја намалува првичната количина на глукоза за половина, па наместо со шеќери, лебот ги храни мускулите со јаглехидарти кои се потребни за вежбање. Истражувачите веруваат дека овој процес ја оневзоможува и забавува работата на ензимите, кои за возврат побавно ги обработуваат шеќерите – доведувајќи до изедначено ослободување на енергија.
Добра вест е дека овој систем може да се примени на било кој вид на леб, од домашен до оној кој се купува во продавниците.
