Варијанта на новиот коронавирус, кој потекнала од земјоделските работници во Шпанија, од летото брзо се прошири низ дел од Европа, а сега ги сочинува повеќето нови случаи на КОВИД-19 во неколку земји. На пример во Велика Британија чини дури 80 проценти од новите случаи на инфекција.
Меѓународен тим на научници, кои се занимава со следење на вирусот преку неговите генетски мутации, го опиша необичното ширење на сојот на коронавирусот, наречен 20A.EU1.
Нивниот научен труд сугерира дека лицата кои се враќале од летување во Шпанија одигрле клучна улога во пренесувањето на вирусот низ Европа, поставувајќи прашања дали вториот бран кој во моментов се случува на континентот можеше да биде намален со детален преглед на туристите на аеродромите и останатите сообраќајни премини.
“Од ширењето на 20A.EU1 е сосема јасно дека превентивните мерки за ширење на вирусот, често не биле доволни, за да спречат понатамоѓно пренесување на новите соеви на вирусот, ова лето“, вели Ема Ходкрофт, генетичар на Универзитетот во Базел и водач на студијата, која допрва треба да биде објавена во научно списание.
Научните тимови во Швајцарија и во Шпанија сега забрзано го испитуваат однесување на овој сој на вирусот за да утврдат дали можеби е посмртоносен или позаразен од останатите соеви.
Д-р Ходкрофт сепак нагласува дека “нема докази дека брзото ширење на овој сој е последица на мутација која го зголемува пренесувањето или влијае на клиничкиот исход по инфицирањето“. Но, таа додава дека 20A.EU1 се разликува од било која верзија на SARS-CoV-2 вирусот на која претходно наишла.
“Не сум видела ниту еден сој со таква динамика се додека во Европа не видов геномски секвенци на коронавирусот“, објаснува д-р Ходкрофт.
Тимовите одделно соработуваат со виролошки лаборатории за да утврдат дали 20A.EU1 носи одредена мутација во “шилестиот“ протеин кој вирусот го користи за влез во човечките клетки, што би можелод а го промени неговото однесување.
Сите вируси развиваат мутации, промени во својот генетски код, кои може да се групираат во нови соеви и варијанти. Идентификувана е уште една мутација на SARS-CoV-2, наречена D614G, за која се верува дека вирусот го прави позаразен.
Џозеф Фауер, генетски епидемиолог од Универзитетот Јеил кој не учествувал со истражувањето вели: “Потребни се повеќе вакви студии за да ги пронајдеме мутациите кои се пораснати до висока зачестеност во популацијата, а потоа преку инжинеринг да се види дали вирусот се шири полесно“.
Новата верзија на вирусот, која има шест препознатливи генетски мутации, се појавила помеѓу земјоделските работници во североисточна Шпанија во јуни и брзо се проширила кај лолакното население, се наведува во студијата.
Тања Стадлер, професор по компјутерска еволуција во Цирих, која била дел од проектот, вели дека анализата на примероците од вирусот земени од цела Европа последниве недели, покажала дека се изведени од таа иста варијација.
“Можеме да видиме дека вирусот повеќе пати е увезен од неколку земји, а голем дел од тие увози се проширија и на населението“, вели Стадлер.
Истражувачите заклучиле дека “ризичното однесување“ на туристите во Шпанија како игнорирање на насоките за физичко растојание, кое се уште се случува, помогнало во ширењето на новиот сој на вирусот.
