Студија спроведена на повеќе од 20.000 Германци открила во кои години од животот луѓето се најсреќни.
Во студија, која ја спровел лондонскиот Центар за економски перформанси (Centre for Economic Performance) учесниците од истражувањето биле прашани колку во тој момент биле задоволни од својот живот, и што мислат колку ќе бидат задоволни за пет години. Потоа истите тие луѓе, по пет години повторно морале да го опишат својот степен на задоволство во животот.
„Студијата покажала дека среќата ја следи кривата во форма на буквата U и дека пикот на среќата е 23. и 69. година“, откриле истражувачите во студијата.
„Се чини дека забавните рани дваесети години, кога се почнува со кариерата и возрасниот живот, може да се мерат единствено со радоста за заминувањето во пензија, кога по многу години работа, конечно ќе се добие време за одмор и можност за посветеност на личните интереси„, наведуваат авторите на студијата.
