Родителскиот инстинкт целосно се развива во нашиот ум, стои во најновата студија на истражувачите од Оксфорд. Според оваа студија, во нашиот мозок се наоѓа дел кој игра клучна улога во развојот на нашата инстинктивна желба да се грижиме за своите деца и да ги подигнуваме.
Ова откритие ќе помогне во изнаоѓање на одговор на еволутивното прашање зошто бебето го набљудуваме како нешто посебно, а, секако, може да им помогне и на лекарите во подобро разбирање на лицата кои страдаат од постпородилна депресија.
„Овие податоци се многу важни, бидејќи е јасно дека постои причина поради која толку многу се грижиме за своите деца“, вели Мортен Крингелбах, кој го предводеше истражувањето. „Оваа идеја не враќа на Дарвин и неговата теорија. Истражувачите истакнуваат дека за тоа е „виновен“ делот од мозокот, кој стручно се нарекува „medial orbitofrontal cortex“, а се активира додека го гледаме лицето на детето.
Научниците сметаат дека токму овој дел од мозокот е клучен за контролирање на емоциите.
