BA.5 сега покажува една необична и прилично изразена карактеристика – предизвикува ноќно потење. Но, многу е важно, ако сте вакцинирани и сте примиле бустер доза, тоа најчесто не напредува во тешка форма на болеста, вели проф. Лук О’Нил од Тринити колеџот во Даблин. Исто така, велат научниците, доколку се заразите со овој нов сој, сега имате 20 до 50 отсто помала веројатност дека ќе страдате од долг КОВИД-19.
“Се чини дека варојантата на омикрон ВА.5 има значително помала веројатноста да предизвика долг КОВИД во однос на претходните варијанти, но се уште едно од 25 лица кои ќе заболат од коронавирус, имаат симптоми подолго од четири недели“, вели д-р Клер Стивс од Кралскиот колеџ во Лондон. .
Досегашните истражувања покажаа помала веројатноста дека од овој сој ќе бидете посериозно болни, што директно се поврзува со повисока вакцинираност или стекнат имунитет по прележување.
Меѓутоа, поради исклучителната заразност, ВА.5 може да ги инфицира и оние кои неодамна ( и само неколку недели претходно) имале друг вид на омикрон.
КОИ СЕ ГЛАВНИ СИМПТОМИ НА ОМИКРОН ВА.5
Со оглед дека се работи за релативно ново откритие, ноќното потење допрва треба да биде вклучено во официјалната листа на симптоми, а еве што најчесто се јавува:
- Кашлица
- Замор
- Затнат нос
- Течење на нос
- Отежнато дишење
- Губење на вкус или мирис
- Треска
- Мачнина и повраќање
- Болки во мускулите
- Пролив
- Главоболка
