Кога планирате одмор, една од главните работи за која треба да размислите е колку долго планирате да останете. Дали ќе одите на долг викенд, цела недела или можеби дури и подолго? Иако би можеле да бидеме на одмор цело време, сепак, постојат точно определен број на денови, кои се идеални за максимална релаксација што во крајна линија ќе влијае на вашето здравје.
Според научните истражувања, објавени во магазинот „Journal of Happiness Studies“, постои совршена должина на траење на одморот, која има позитивно влијае врз вашето здравје. Истражувачите на Универзитетот Радбуд, Холандија, истражувале каков ефект врз здравјето има должината на годишниот одмор.
Колку дена годишен одмор е идеално? Одговорот е – повеќе од осум дена. Во истражувањето учествувале 54 лица, со просечна возраст од 42,5 години и сите биле вработени. Ова истражување било фокусирано на должината на годишниот одмор – во распон од 15 до 34 дена, односно просечно 23 дена.
Биле следени шест фактори: здравствена состојба, замор, задоволство, расположение, напнатост и ниво на енергија
Било утврдено дека здравствените придобивки забрзано се зголемиле за време на одморот, и тоа од осмиот ден. Меѓутоа, во рок од една недела по враќањето на работа, здравствените придобивки се вратиле на почетното ниво.
Значи, ако сакате да го извлечете максимумот од вашиот одмор и да се чувствувате навистина одморено и свежо, обидете се да одморате подолго од осум дена и исполнете го своето време со пријатни и релаксирачки искуства што ќе влијае на подобрување на вашето здравје.
