И самата помисла за губење на забите во подоцнежните години од животот може да биде застрашувачка, но тоа, за жал, е работа со која многумина се соочуваат. Повеќе од четвртина од возрасните личности ги губат забите до 74 година од животот.
Стоматолошките импланти можат да бидат решение за овој проблем, но можат да бидат и мошне непријатни особено ако не се прилагодат на устата. Меѓутоа новата техника може да им помогне на луѓето да им пораснат нови заби само за девет седмици и тоа со помош на сопствените матични клетки.
Како што пишува магазинот Journal of Dental Research, истражувачите извеле експеримет врз 22 глувци. Откако факторите за раст биле имплантирани во устите на глувците, новиот коскен материјал е регенериран и интегриран внатре девет седмици. Според истражувачите, ова е прв пат ваквите структури да се регенерираат во жив организам.
Доколку овој третман се покаже како успешен тоа ќе биде еден од најуспешните медицински потфати, но и поисплатливо решение за пациентите кои себеси не можат да си овозможат забни импланти. Засега, за жал, забните импланти се единствена добра замена која може да им помогне на луѓето кои ги загубиле забите. Имплантите можат да бидат болни, бараат долг процес и често не се прилагодуваат на стареењето на устата, што може да резултира со тоа имплантот потполно да пропадне. Меѓутоа оваа нова алтренатива наскоро би можела да стане стварност. Унверзитетот Колумбија кој ги извршил овие истражувања, поднел патент пријави за оваа нова технолохија и бара начини како процесот да го направи комерцијално достапен.
