Заразата со коронавирусот ќе продолжи да се шири уште најмалку 18 месеци до две години, се додека не зарази 60 до 70 проценти од светската популација. Тоа го предвидува тим на американски научници во најновата анализа која не е нималку оптимистична.
Тие препорачуваат светот да се подготви за втор голем бран на ширење на КОВИД-19 наесен и во зима.
“Епидемијата нема да се стопира се додека не се заразат две третини од луѓето. Дури тогаш можно е да се создаде имунитет кој ќе биде отпорен на SARS-CoV-2, а тоа ќе значи апсолутна победа на вирусот. Очекувањата дека заразата наскоро ќе се стопира се нерални и пркосат на микробиологијата“, изјави Мајк Остерхолм, шеф на Центарот за истражување и политика за заразни болести на Универзитетот во Минесота.
Овој научник пишува за ризиците од пандемии веќе 20 години, а досега советувал неколку претседатели.
Во подготовката на неговиот извештај учествувале и епидемиологот Марк Липситч од Школата за јавно здравје на Харвард, како и епидемиологот д-р Кристин Мур.
“Со оглед дека SARS-CoV-2 е нов вирус, никој нема имунитет. Должината на пандемијата веројатно ќе трае 18 до 24 месеци, бидејчи колективниот имунитет постапно се развива кај човечката популација. Веќе долго зборувам, дека кога настојуваме да го сфатиме развојот на инфективните болести, мора да се учи и од историјата“, вели Липситч.
Тој вели дека пандемиските инфекции не се склони на исчезнување во текот на летото, како што е случајот со сезонскиот грип.
“Поради подолгиот период на инкубација, ширењето и преку асимптоматски пациенти, како и повисок РО број, КОВИД-19 се шири побрзо од грипот“, наведува тој.
РО означува просечен број на луѓе што ги заразил еден пациент. Поголем РО број значи дека поголем број луѓе ќе мора да бидат заразени и да станат имуни пред да пандемијата да заврши.
Научниците наведуваат и дека политичарите треба да престанат да зборуваа дека пандемијата ќе заврши и им советуваат наместо тоа да ги подготват граѓаните на втора борба.
ЗАГРИЖЕНОСТ ПОРАДИ ПОПУШТАЊЕ НА МЕРКИТЕ
Липситч и Остерхолм изненадени се од одлуките кои многу држави ги донеле како би ги укинале ограничувањата насочени за контрола на ширење на вирусот.
“Мислам дека државите прават експеримент и тоа е експеримент кој веројатно ќе не чини животи, особено на местата кои тоа го прават без внимателни контроли“, коментира Липситч и додава дека некои држави ги укинуваат мерките кога имаат повеќе нови случаи на зараза, отколку што имале кога ги вовеле ограничувањата.
“Иако вакцината може да влијае на текот на пандемијата, таа нема да биде достапна барем до 2021 година“, истакнуваат научниците.
Тие наведуваат три можни сценарија на развој на пандемијата.
ПРВО СЦЕНАРИО: Епидемијата ќе продолжи да се движи по линија (крива) по која сега се движи, со низа помали бранови преку лето и постапно ќе исчезне до 2021 година.
ВТОРО СЦЕНАРИО: Пандемијата се уште не го достигнала пикот, по првиот бран ја следи уште посилен бран наесен или во зима, како и уште еден или повеќе помали браноци во текот на 2021. Тоа сценариот бара повторно воспоставување на мерките за дистанцирање и заштита од заразата на есен. Сметаат дека тоа е образец сличен на оној во текот на пандемијата во 1918 и 1919 година, кога шпанскиот грип оставил огромни последици.
ТРЕТО СЦЕНАРИО: Се случува она што научниците го нарекуваат “бавно согорување“, при што вирусот постапно ќе слабее во тек на низа години кои се пред нас. Во тој период ќе има болни и починати, но нема да се воведуваат ограничувачки мерки.
Овие научници ги советуваат владите да се подготват за второто сценарио кое го сметаат за најочигледно, особено затоа што дотогаш нема да има ефикасна вакцина, ниту колективен имунитет.
