Голем број научници се обидуваат да развијат што поефикасна вакцина против новиот коронавирус SARS-CoV-2, но и огромен број експерти се обидуваат да одгатнат една од најголемите загатки – од каде е дојден. Светската здравствена организација неодамна формираше меѓународна група од десет научници чија цел е да се истражи потеклото на вирусот.
Тие ќе мора да ги истражат животните кое се сомничат за пренесување на вирусот и првите заразени пациенти.
“Сакаме да знаеме од каде потекнува и ќе направиме се тоа да го дознаеме“, вели директорот на СЗО, Тедрос Аданом Гебрејесус.
Но, тоа никако не значи дека успехот е загарантиран.
Првите случаи на зараза се појавија во Вухан, пред една година, пред земјите во светот да почнат да ги бележат бројот на заразени.
“Времето на откривање на епидемијата, нужно не значи дека тоа е и почеток на епидемијата“, наведува СЗО.
Многу истражувачи од различни земји во последниве месеци истакнуваат дека имало заразени лица и пред декември 2019., а своите заклучоци ги темелат на анализи на отпадни водите и примероци од крв. Но, сè уште нема јасни докази за тоа, вели Етјен Симон-Лориер, вирусолог од Институтот Пастер во Париз.
За да утврди семејното стебло на вирусот, научниците се потпираат на генетичките анализи.
“Тоа би требало да придонесе за подобро разбирање на динамиката на трансмисијата, особено тоа како вирусот еволуирал и како жариштата се поврзани временски и просторно“, потенцираат од СЗО.
Научниците знаат дека вирусот потекнува од животните. „Големото прашање е што го натера да‘ скокне ’врз човекот“, вели Симон-Лориер. Главни осомничени се лилјаците, за кои многумина сметаат дека се извор на вирусот и „голем резервоар на коронавирус“, додава тој. Но, патот до човекот веројатно не бил директен, но друго животно се вклучило во „приказната“ како посредник.
Истражувачите на СЗО ќе треба да ја разјаснат оваа непознанца со истрага пазарот во Вухан каде што се продавале живи и диви животни и е поврзан со многу рани случаи на инфекција. Тие ќе имаат многу траги што ги немале на почетокот на пандемијата.
Симон-Лориер вели дека би можеле да бараат животно со рецептор на вирусот, протеин АЦЕ2, сличен на оној што го има кај луѓето. Преку овој рецептор, вирусот се „закачил“ на клетката.
СЗО тврди дека сознанието за тоа како започнала епидемијата е „неопходно за да се спречат идни упади во човечката популација“.
Но, предупредува и дека процесот на истражување како болеста преминала од животни на луѓе е „загатка што ќе се решава години“.
„Влезот на новиот вирус кај човекот е една од најголемите загатки што епидемиологот сака да ја разоткрие и и се надева“, додава организацијата.
„Целта е да се сфати механизмот за пренос и да се воведат мерки за да се избегне појава на некој SARS-CoV-3, SARS-CoV-4 и така натаму“, вели Симон-Лориер.
