Со сегашното темпо на ширење на коронавирусот, секоја личност заразена со новиот коронавирус просечно ја пренесува болеста на две до три лица, покажале две одделни научни истражувања на епидемијата. Дали епидемијата ќе се шири со оваа брзина зависи од ефикасноста на мерките на контрола, велат научниците кои ги спровеле истражувањата. Но, за да бидат успешни мерките на контрола и да го свртат трендот на епидемија, мора да го стопираат преносот кај најмалку 60% од случаевите.
Според последните податоци досега починати се 81 лице, а ширум светот бројот на заразени се приближува до бројката од 3.000, од кои најголемиот број се во Кина.
- ШИРЕЊЕ
“Нејасно е во овој момент може ли епидемијата да се ограничи на Кина“, вели Нил Фергусон, стручњак за заразни болести на Имперал колеџот во Лондон кој го водел едното од тие истражувања. Тимот на Фергусон сугерира дека до 18 јануари во Вухан веќе биле заразени и до 4.000 лица и дека еден случај произведува просечно нови два до три случаи.
Според друго истражување кое го спровеле научници на британскиот универзитет Ланкастер, просечно секое заразено лице заразила 2,5 нови лица.
“Ако епидемијата продолжи да се шири во Вухан, предвидуваме дека до 4. февруари ќе биде со значајно поголеми размери“, истакнале овие научници. Тие проценуваат дека до 4. февруари во кинескиот град Вухан каде во декември изби заразата, ќе има околу 190.000 заразени и дека заразата ќе се “здружи со други кинески градови и дека нејзиниот извоз во другите земји ќе биде почест“.
- ГЛОБАЛНО ШИРЕЊЕ
Раина Меклантр, водач на истражувачката програма за биобезбедност на институтот Кирби во Австралија, вели дека е исклучително загрижувачки што во изминативе денови заразата толку многу се проширила.
“Колку е попроширена во другите делови на Кина, толку е поголем ризикот за нејзино глобално ширење’, вели таа.
Претходно е обајвено дека овој нов коронавирус, кој предизвикува белодробни симптоми, се шири и за време на инкубација, што не било случај со коронавирусот кој предизвика епидемија на САРС пред 20. години. Инкубацијата, според сегашните сознанија, трае од два до 14 дена.
