Познато е дека КОВИД-19 може да предизвика многу сериозни, понекогаш долготрајни здравствени проблеми, како оштетување на белите дробови, оштетување на бубрезите и срцеви проблеми. Во последно време истражувањата сугерираат дека КОВИД-19 исто така може да предизвика и ненадеен почеток на дијабетес зависен од инсулин – дијабетес тип 1.
Истражување кое го спровеле германските научници од Универзитетот Medical Centre Schleswig-Holstein, укажува дека КОВИД-19 може да доведе до нови и изненадни дијагнози на дијабетес.
Имено, бета-клетките на панкреасот содржат значаен број на таканаречени ACE2 рецептори. Се верува дека тие рецептори се местото на кое новиот коронавирус SARS-CoV-2 се врзува за клетките и дека инфекцијата со коронавирус, која влијае на ACE2 рецепторите, може да ги оштети и бета-клетките на панкреасот кои произведуваат инсулин.
Се смета дека овој процес е сличен на процесот кој се случува при развојот на дијабетес тип 1. Инаку, лицата со дијабетес тип 1 имаат малку или воопшто немаат инсулин. Класичниот дијабетес тип 1 изискува доживотно надоместување на инсулин, со инсулнски инјекции или инсулинска пумпа.
Според мислењето ан стручњаците, важно е лекарите да бидат свесни за можноста за развој на дијабетес зависен од инсулин, отприлика четири недели по инфекцијата и покрај негативни (дијабетес тип 1) антитела.
