Новиот коронавирус може да предизвика дијабетес кај претходно здрави лица, предупредува тим на меѓународни стручњаци.
Нови случаи на состојби на шеќер во крвта, повеќепати се дијагностицирани кај пациенти кои се позитивни на коронавирусот, наведува групата од 17 водечки клиничари, во отвореното писмо објавено завчера во стручното списание New England Journal of Medicine. Тие признаваат дека останува нејасно како овие две состојби можат да бидат поврзани.
Претходни истражувања покажале дека АЦЕ-2 – протеинот за кој се верува дека се врзува коронавирусот во човечкото тело, не се наоѓа само во белите дробови, туку и во органите кои учествуваат во метаболизмот на глукозата, вклучувајќи го панкреасот, тенкото црево, црниот дроб и бубрезите.
Научниците претпоставуваат дека, ако вирусот се врзе на овие органи, тогаш може да предизвика повеќекратно нарушување на метаболизмот на глукозата, што во некои случаи доведува до појава на дијабетес.
Стручњаците во своето писмо наведуваат дека е создаден глобален регистар на нови случаи на дијабетес кај пациентите со КОВИД-19, нарачен CoviDiab Registry Project.
“Ние секако се обидуваме да сфатиме каква е ситуацијата зад овие наоди. Многу пациенти заразени со новиот коронавирус не се свесни и дека боледуваат од дијабетес и дека КОВИД-19 предизвикува шеќерот во крвта постојано да им расте“, објаснува Франческо Рубино, професор по метаболичка хирургија на King’s College во Лондон и ко-автор на новиот регистар.
Претходните докази веќе укажуваат на тоа дека коронавирусот може да предизвика потешки комоликации кај пациентите со веќе постоечки дијабетес: околу една четвртина од лицата кои се почнати од КОВИД-19 се пријавени дека имаат состојба на шеќер во крвта.
“Дијабетесот е една од најраширените хронични болести и сега ги сфаќаме последиците на неизбежниот судир на двете пандемии. Со оглед на краткиот период на човечкиот контакт со овој нов коронавирус, се уште не е точно јасен механизмот со кој вирусот влијае на метаболизмот на глукозата и не знаеме дали акутната манифестација на дијабетес кај овие болни претставува класичен тип 1, тип 2 или евентуално нова форма на дијабетес“
Според последните официјални податоци на Институтот за јавно здравје на РСМ, во земјава од дијабетес боледуваат околу 200.000 лица. Последните достапни бројки укажуваат дека во 2016 година бројот на новорегистрирани пациенти со дијабетес изнесува 5410.
