Тренингот на празен стомак може да има позитивен ефект на здравјето на болните од дијабетес тип 2, пренесува Дејли меил. Резултатите од неодамна спроведеното истражување покажале дека вежбањето на празен стомак им помага на дијабетичарите да го контролираат шеќерот во крвта, повеќе отколку кога вежбаат сити затоа што во првиот случај нивната крв подобро го апсорбира инсулинот.
Мажите кои вежбале пред оброк подобро реагирале на инсулинот во однос на оние кои вежбале после него, покажал примерок од мускулно ткиво. Тоа значи дека на организмот му е потребна помала доза на инсулин која би го спуштила нивото на глукоза во крвта.
„Ако сте чувствителни на инсулин, помала е веројатноста дека ќе развиете дијабетес тип 2“, вели доктор Хавиер Гозналес од Универзитетот во Бату и додава: „Групата која вежбала пред појадок ја зголемила способноста подобро да одговори на инсулинот, со оглед на тоа дека двете групи приближно исто загубиле на тежина и добивале на мускулна маса.“
Студијата покажала и дека мускулите на оние кои вежбале пред појадок добивале повеќе протеини и повеќе телесни маснотии од групата која вежбала пред појадок. Следното истражување е најавено дека ќе биде спроведено над жени.
