Повеќето од нас слушнале за советот кој звучи контрадикторно: со прескокнување на појадокот може да се зголемат килограмите, бидејќи тоа го забавува метаболизмот и не принудува да јадеме повеќе во текот на денот. Но, не постојат докази дека прескокнувањето на појадокот доведува до пораст на телесната тежина, стои во новата студија објавена со научното списание British Medical Journal.
Спротивно на ова врежано верување, истражувањето покажало дека, ако не појадувате тоа нема да предизвика чувство на зголемен глад во попладневните часови или разика во потрошувачката на енергија. Научниците од Универзитетот Монаш од Мелбурн ја анализирале поврзаноста на појадокот со промената на телесната тежина и дневниот внес на енергија. Тие користеле податоци од 13 клинички истражувања спроведени во Велика Британија и САД во последниве 28 години.
При тоа, утврдиле дека вкупниот внес на енергија бил поголем кај лицата кои појадуваат, во споредба со оние кои го прескокнуваат овој оброк (во просек 260 калории). Истовремено утврдиле дека помеѓу едната и другата група на луѓе нема значајна разлика во активностите на метаболизмот.
“Иако редовното појадување може да има други важни ефекти, треба да се биде внимателен кога се се советува задолжителен појадок во насока на намалување на телесната тежина, бидејќи може да има поинаков ефект“, стои во студијата.
