Новиот коронавирус не мора да продре директно во мозочното ткиво за да го оштети, покажува нова студија. Научниците го проучиле мозокот на 19 пациенти починати од КОВИД-19, фокусирајќи се на ткивото од региите за кои се верува дека се многу подложни на продор на вирусот.
Станува збор за делот за мирис bulbus olfactorius кој го контролира осетот за мирис и мозочното стебло кое го контролира дишењето и работата на срцето.
Кај 14 пациенти, едната или двете регии содржеле оштетени крвни садови, некои запушени, некои пропуштале. Тие подрачја на пропуштање биле окружени со воспалено променето ткиво, што е резултат на имуниот одговор на организмот, утврдиле научниците.
Научниците не пронашле докази за присуство на самиот вирус, пишува во научниот труд објавен во списанието New England Journal of Medicine.
“Бевме многу изненадени“, вели коавторот на истражувањето, д-р Авиндра Нат од Националниот Институт за невролошки болести и мозочен удар.
Оштетувањата кои ги воочил неговиот тим обично биле поврзани со мозочни удари и воспалителни болести на нервниот систем.
“Нашите резултати засега сугерираат дека оштетувањето на мозокот не е предизвикано од директен продор на вирусот SARS-CoV-2 во мозокот“, вели д-р Нат.
Во иднина, додава тој, планираме да проучиме како КОВИД-19 ги оштетува крвните садови во мозокот и дали ги произведува тие некои краткорочни и долгорочни симптоми кои ги гледаме кај пациентите.
