Некои луѓе сакаат да ги „крцкаат“ прстите на рацете, на разочарување на други, кои тоа го сметаат за одвратна навика. За што всушност станува збор и зошто зглобовите пукаат?
„Не знаеме“, признава Каролина Веркмајстер, ортопед во Универзитетската болница во Хамбург.
Научниците се обиделе да проучат зошто некои луѓе имаат погласен звук на пукање на зглобовите од другите, но не дошле до конечен заклучок. Единствено се знае дека тоа има некоја врска со азотот и јаглерод диоксидот, кој се насобира помеѓу зглобовите и колку што е воздушниот притисок понизок, толку е поверојатно дека ќе дојде до пукање.
Звукот на пукање или ако сакате крцкање, се претпоставува дека се случува во моментот кога гасот одеднаш поминува во течна состојба што е одговор на намалувањето на притисокот
„Меѓутоа, едноставно нема доволно истражувања за тоа“, вели Веркмајстер.
И што да правиме со оваа навика? „Ништо, само продолжете да си крцкате“, вели Вермајстер, која објаснува дека од научна гледна точка тоа не е никаков голем проблем.
Сепак, постои еден услов – пукањето на зглобовите не треба да биде болно. Ако сепак, чувствувате болки, тогаш е време да појдете на лекар.
