Ако се изземе плачот на бебето како фактор кој директно влијае врз нормалниот циклус на спиење на родителите, стресот е, исто така, уште еден од причинителите кој во раната фаза на родителството на мајките и татковците им го ремети распоредот на спиење. Меѓутоа оваа состојба не мора исклучиво да трае само во првите неколку месеци. Лошата вест е дека и после шест години од раѓањето на вашето малечко може да чувствувате негативни последици врз сонот.
Болестите, ноќните кошмари, одвикнувањето од пелени, мочкањето или што било друго што би можело да го искуси вашето малечко влијае на тоа бројот на непроспиени ноќи да се зголеми.
Исто така, истражувачкиот тим од Универзитетот Варвик во Велика Британија открил дека е поверојатно оти жените ќе останат буди во текот на ноќта грижејќи се за бебето почесто отколку мажите. Направено е истражување врз 2 541 жена и 2 119 мажи кои добиле дете во периодот од 2008 до 2015 година. Резултатите покажале дека мајките спиеле еден час помалку во текот на ноќта, поточно 62 минути, и тоа во период од три месеци после породувањето, додека мажите жртвуваат 13 минути.
На горенаведените резултати дополнителни 14 минути загубен сон имале мајките кои дојат и мораат да станат и да го надојат своето дете во текот на ноќта, што вкупно во просек изнесува повеќе од седумдесет минути неспиење, пренесува Evoke.
