Чокохоличари повеќе немате причина за грижа! Конечно е докажано дека редовната консумација на чоколадо всушност е корисна за човековиот организам низ повеќе аспекти. Пронајдена е позитивна корелација меѓу внесот на чоколадо и когнитивни функции на мозокот. Ако сакате да ја зачувате меморијата и да го подобрите разбирањето – навалете на чоколадо, без грижа на совеста – истражувањето објавено во публикацијата Appetite ја открило врската меѓу честото јадење чоколадо и поголемите когнитивни способности.
Во истражувањето учествувале 968 луѓе на возраст меѓу 23 и 98 години, па се истражувале нивните прехранбени навики, како и нивното кардиоваскуларно здравје, но и когнитивните способности. Откриено е дека редовната консумација на чоколадо значително е поврзана со подобрата функција на мозокот.
Клучот на позитивните влијанија на чоколадата лежи во флаванолот (вид флавоноид), што го содржи какао дрвото. Темното чоколадо е всушност она кое има предност кога е во прашање количеството флаванол, додека млечното и белото имаат нешто помалку. Уште една причина за среќа се и останатите намирници со високи удели на флаванол како што се чајот, црвеното вино, јаболката и грозјето. Може ли подобро?! Во 16 век чоколадото дошло до Европа и тогаш било користено како лек за настинка и треска, додека денес повеќе ни служи како утеха и сладок грев. Сега кога ги знаете овие информации, со трчање по чоколадо – но темно!
