Според најновото истражување објавено во магзинот Тајм откриено е дека луѓето кои доживеале „стотка“ се – тврдоглави, прилагодливи и позитивни. Плус: имаат силно изразена работна етика и блиски се со семејството, најчесто религиозни и патриоти.
Инаку, во анализата биле вклучени триесеттина личности на возраст меѓу 90 и 100 години, од италијанскиот регион Чиленто. Истражувачите потполно се посветиле на проучувањето на нивните животи, како и на животите на нивните најблиски. Освен што најчесто ги опишувале како тврдоглави, испитаниците за овие сениори користеле и епитети како прилагодлив, урамнотежен и позитивен.
Иако испитаниците имале проблеми со здравјето во овој или оној облик, нивниот ум останал остар и бистар. Исто така, покажале неверојатна самодоверба и моќ за донесување одлуки, понекогаш и поголема од своите многу помлади членови на семејствата.
„Среќата и задоволството од сопствениот живот им е на високо ниво, а нивото на депресија и стрес е сведен на минимум“, потврдиле научниците.
И иако сме свесни дека нема гаранција за долг и среќен живот, сепак ова истражување потврдило дека самодовербата и останатите човекови карактеристики сепак може доста да придонесат.
Патриот, тврдоглав и страствен – ако ова звучи како некој да ве опишува вас, постојат големи шанси дека ве чекаат уште многу, многу родендени! Среќно!
