Пушењето ја зголемува физичката активност, а го намалува внесувањето на храна, додека прекинот и оставањето на цигарите, има спротивен ефект. Пушачите, во просек, имаат помала тежина од непушачите, а влијанието на никотинот врз метаболизмот е комплексно. Претпоставката е дека никотинот го зголемува влијанието на лептинот и грелинот, што резултира со намален апетит.
Лептин е полипептид кој се произведува во масното ткиво. Концентрацијата на лептинот ја одржува количината на енергија која е складирана во масното ткиво, а нивото на лептинот го следи калорискиот внес и е директно пропорционален на количината на масното ткиво.
Грелин е хормон, кој го стимулира апетитот, а се работи за полипептид, кој се произведува во желудникот. Тој, заедно со рецепторот, се наоѓа низ цело тело и на тој начин влијае на многу телесни функции.
Делувањето на грелинот го потиснува никотинот и го засилува дејството на лептинот, што во крајна линија доведува до намалување на апетитот. Никотинот влијае на симпатичниот нервен систем, што резултира со зголемување на нивото на адреналин и забрзување на метаболизмот.
Со откажување од пушењето се зголемува апетитот и се појавуваат пупки за вкус на јазикот, поради што луѓето кои се откажале од пушењето, подобро го чувствуваат вкусот на храната.
