Повеќето европски земји, вклучувајќи ја и Македонија, се во фаза на ублажување на мерките за заштита од коронанвирусот. Препораките се разликуваат од земја до земја, но една работа секаде е иста: без разлика на попуштање на мерките, треба да се држи физичка дистанца, оти колку сте поблизу до некој кој е потенцијално заразен, толку е поголем ризикот и самите да се заразите.
Светската здравствена организација (СЗО) вели дека оддалеченоста од еден метар е безбедна, но во земјава и во низа други европски земји тоа “безбедно растојание“ е два метра. Исто така, колку повеќе време минувате во непосредна близина на заразено лице, поголеми се шансите да се инфицирате со вирусот.
Затоа, треба да избегнувате контакти подолги од 15 минути на растојание помало од два метра.
За повеќето од нас, ризикот од зараза во надворешни опкружувања е навистина низок, а растојанието од два метра се темели на веројатност.
Доказите се, колку и да е можно за тоа да се добие цврста потврда, дека во основа една минута контакт на два метра растојание е еднакво на шест секунди на еден метар Ризикот на еден метар растојание е околу 10 до 30 пати поголем од ризикот на два метри, па социјалното дистанцирање е важен дел од превенцијата.
Тоа, вели проф. Патрик Валанс, научен советник на британската влада, ви дава идеја зошто правилото од два метра станува важно.
