Наутот е мешункасто растение, исто како и гравот и леќата и е еден од деликатесите кујните од Блискиот Исток и Медитеранот. Јадењата со наут беа добро познати и во кујните на нашите баби, но последните години ова извонредно и многу хранливо растение е целосно заборавено.
Зрнцата наут имаат и лековити својства, а предност им е што можат да бидат подготвени на различни начини, како салата, супа, намаз, додаток на главно јадење, па дури и како десерт. Сепак, едно од најпознатите јадења од наут е хумусот, ароматичен намаз што потекнува од ориенталната кујна. Наутот е одличен додаток на месото, особено во текот на зимските месеци.
Пет причини зошто треба наутот почесто да биде на вашата трпеза
- Наутот е важен извор на протеини, со кои се зголемува апсорпцијата на железо и калциум. Исто така е одличен извор на манган и минерали, кој учествува во процесот на добивање енергија од протеините и јагленохидратите. Вклучен е во синтезата на масни киселини потребни за одржување на здрав нервен систем, кои се важни за производство на холестерол за создавање на хормони.
- Наутот ја одржува силата и здравјето на коските, како и нормалното ниво на крвниот притисок и го стимулира оптималното функционирање на тироидната жлезда.
- Поради изобилството на витамини од групата Б, минерали како железо, цинк и магнезиум одличен е за одржување на срцето и васкуларното здравје, како и за зајакнување на имунитетот
- Наутот е и многу хранлив, во 100 грама има околу 364 калории – делува како диуретик и го ослободува телото од вишокот отрови
- Богат е со растителни влакна, а истражувањата покажуваат дека на луѓето со дијабетес тип 1 и 2 внесување на храна богата со растителни влакна им помага да го намалуваат нивото на гликоза во крвта.
