Отечени капаци на очите најчесто се последица од долготрајни плачења или непроспиена ноќ, но понекогаш може да биде и показател на некоја сериозна здравствена состојба. До отоци доаѓа поради насобирање на течности во сврзното ткиво што го опкружува окото.
Иако кај отечените капаци не постои брзо решение, постојат начини кои ќе помогнат отоците да се намалат и да се спречи нивното повторно појавување.
Ладни облоги – наутро кога ќе се разбудите на очните капаци ставете студен мокар пешкир. Оставете неколку минути и отоците ќе се намалат.
Маска за спиење – користете маска за спиење со гел, која треба да ја чувате во фрижидер. Пред легнување ставете ја околу очите.
Држете ја главата на повисоко – спијте на повисока перница за да се спречи насобирање на течности во подрачјето на лицето и на очите.
Избегнувајте сол – натриумот од солта предизвикува насобирање на течности во телото, па за да го сведете ова на минимум, јадете што помалку солена храна.
Многу течности – не заборавајте да пиете доволно вода бидејќи само така ќе можете да go поттикнете метаболизмот и да го исфрлите вишокот на течности од телото.
Доволно спиење – за вашата кожа да изгледа одморено и здраво, спијте барем 8 часа.
Ако капаците ви се отечени секој ден, побарајте совет од лекар за да дознаете дали постои некој здравствен проблем кој мора да се лекува, а еден од симптомите e отечени капаци.
