Миење на рацете – прилично едноставна работа, но не за сите. Една неодамнешна студија покажала дека во повеќето случаи луѓето не се мијат правилно – што доведува до контаминација на храната и површините, а резултатите се бројни болести.
Истражувањето на американското Министерство за земјоделство (USDA) покажало дека повеќето луѓе не ги тријат рацете со сапуница во времетраење од најмалку 20 секунди. А токму тоа време е препорачано од Центарот за контрола и превенција на болести, од каде што навеле дека миењето кое трае помалку отстранува далеку помалку бактерии.
Исто така, истражувањето открило дека најчесто по миењето раце не се бришеме со чист пешкир
Студијата, која била спроведена на луѓе кои работат со храна, покажала дека корисниците главно пренесувале бактерии во садовите со зачини, додека приготвувале, на пример, хамбургери. Во 11 проценти од случаите, тие оставиле бактерии на рачките за отворање на фрижидерот.
„Бактериите не ги гледате, не ги чувствувате и немаат мирис. Доколку ги миете рацете правилно, ќе го заштитите своето семејство и ќе го спречите ширењето на бактерии на храната што ја јадете или низ кујната“, изјавила Кармен Ротенберг, една од челниците на USDA.
Исто така, истражувањата покажале дека само 5 проценти од луѓето ги мијат правилно рацете.
Правилно миење на рацете:
– Првиот чекор е најлогичен: натопете ги рацете со вода;
– Вториот чекор е да ја запрете водата и да нанесете сапун на вашите раце;
– Третиот чекор е внимателно да го разнесете сапунот на целата површина на рацете, па дури и под ноктите;
– Четвртиот чекор е – тријте ги рацете најмалку 20 секунди;
– Добро исплакнете;
– И на крај, исушете ги рацете со чиста крпа за бришење. Не заборавајте: Колку подолго ја користите крпата, толку повеќе бактерии има на неа.
