Нездравите навики се составен дел од животот на секој човек, а под изговорот „Јас сум само човек“ често правиме работи кои му штетат на организмот. Ова се некои од оние кои можат да предизвикаат Алцхајмерова и Паркинсонова болест, односно значително да го оштетат мозокот:
Прескокнување на појадокот
Многумина не појадуваат. Некои сакаат да ослабат, а други едноставно немаат време за појадок. Трети, пак, едноставно не се утрински типови и не чувствуваат глад. Кога го прескокнуваме појадокот ние едноставно го „изгладнуваме“ мозокот, односно спречуваме хранливите материи да дојдат до мозокот.
Се прејадуваме
Прејадувањето води до дебелина и запушени крвни садови што со текот на времето може да резултира со срцев или мозочен удар.
Пушење
Сите знаат дека пушењето е штетно по здравјето. Но пушењето и значително го зголемува ризикот од Алцхајмерова и Паркинсонова болест.
Слатки
Ако го тргнеме настрана дијабетесот, шеќерот ќе спречи протеините и нутритиентите да се апсорбираат, а тоа дополнително ќе го оштети мозокот. Значи, шеќерот има моќ да го „испржи“ мозокот!
Загаден воздух
Свежиот воздух и тоа како влијае на развојот на мозокот. На мозокот му е потребен кислород, а него се помалку го има во големите и загадени градови.
Недостаток на сон
Многу луѓе имаат навика се помалку да спијат. Ни стана поважно да гледаме телевизија, да го чепкаме телефонот или компјутерот, отколку на телото и мозокот да им ги обезбедиме неопходните 8 часа сон.
Спиење со прекривката преку глава
Звучи чудно, но многу луѓе спијат покриени преку главата. Тоа го спречува дотокот на кислород во мозокот и може значително да го оштети.
Работите кога сте болни
Ова е честа навика. Ако работите додека сте настинати или имате грип, вие му штетите на мозокот. Кога имунитетот ви е дополнително загрозен, овозможете му на телото одмор така ќе го зачувате мозокот.
Неразмислување
Мозокот мора да се тренира. Не практикувајте да “го пуштате мозокот на пасење“ затоа што на крајот ќе завршите со деменција. Затоа најдете свој „спорт“ и тренирајте го мозокот!
Некомуницирање
Најдобро ќе го стимулирате мозокот ако зборувате. Разговарајте со луѓето, но важно е и да слушате. На тој начин ќе дојдете до податоци за кои подоцна можете да размислувате. Ако се изолирате од светот, мозокот со текот на времето ќе атрофира.
