Во последно време често сте уморни и не успевате да го надоместите недостатокот на енергија со одмор и спиење? Што може да сторите за во наредните денови да ја повратите енергијата и доброто расположение?
За почеток не претерувајте со слатките, дури и ако ви се чини дека овие намирници моментално ви ја враќаат неопходната енергија. Рафинираниот шеќер предизвикува нагло скокање на нивоата на глукоза во крвта и потоа и нагло паѓање, што подоцна само ќе го засили чувството на умор. Кога ќе почувствувате пад на енергијата, подобро бирајте намирници со понизок гликемиски индекс, како овошје, јаткасти плодови (бадеми, лешници), црно чоколадо, како и намирници богати со протеини (јајца, јогурт, месо, риба, мешунки).
Не заборавајте да пиете вода – во текот на денот пијте барем 8 чаши вода, а намалете го внесот на напитоци со кофеин како што се кафето, чајот и енергетските пијалаци, кои брзо ја враќаат енергијата, но потоа, исто така, доведуваат до нагло појавување на умор.
Бавете се со спорт, возете велосипед, танцувајте, трчајте, пливајте, барем три пати неделно по 30 минути и обидете се во текот на денот почесто да шетате на свеж воздух.
Медитирајте, медитацијата не мора да изгледа или звучи како што често ни ја претставуваат во филмовите. Едноставно одвојте 5 до 10 минути за себе и во мир удобно седете или лежете и концентрирајте се само на дишењето (дишете длабоко и полека). Доколку мислите ви одлетаат, едноставно констатирајте го тоа и благо полека насочете го вниманието на дишењето.
Дремнете, куса дремка од 15 до 30 минути ќе ви ја врати енергијата, само внимавајте да не се успиете. Кусата дремка не би требало да трае подолго од 60 минути бидејќи во тој случај може да биде контрапродуктивно.
