“Имуниот систем се бори против микроорганизми кои предизвикуваат болести или едноставно кажано, не штити од бактерии, вируси, габи и токсини кои не прават поподложни на настинки, грип, па дури и на коронавирус“ вели д-р Кенет Абриола.
Според него, “имуниот систем се потпира на крвотокот и лимфниот систем на лицето за да испорача хранливи материи по целото тело. Најдобар начин да го одржите својот имун систем силен и да бидете здрави е здравиот начин на живот“.
Ова се навики кои сериозно го нарушуваат имунолошкото здравје, тврдат експертите.
Консумирање премногу алкохол
Само едно опивање може да влијае на имуниот систем до 24 часа. „Алкохолот има негативни ефекти врз нашите вродени и адаптивни имунолошки клетки“, вели Хедер Модеј, доктор на науки. “Хроничната и прекумерна интоксикација, исто така, ја оштетува слузницата на гастроинтестиналниот тракт, како и заштитните Т-клетки и неутрофилите. Ова ја нарушува функцијата на цревната бариера и дозволува бактериите да протекуваат во крвотокот, што резултира со воспаление“.
Пушење
“Пушењето го оштетува имуниот систем и може да го направи телото помалку успешно во борбата против болестите“, предупредува американскиот Центар за превенција на болести. “Имуниот систем е механизам со кој телото се штити од инфекции и болести; делува во борбата против сè, од вируси на настинка и грип до сериозни состојби како што е ракот. Покрај тоа, познато е дека пушењето ја загрозува рамнотежата на имуниот систем.Ова го зголемува ризикот од неколку имунолошки и автоимуни нарушувања (состојби предизвикани кога имунолошкиот систем погрешно ги напаѓа здравите клетки и ткива на телото). Новите докази покажуваат дека пушењето е причина за ревматоиден артритис, автоимуна болест во која имунолошкиот систем ги напаѓа зглобовите и предизвикува оток и болка.
Недоволно сон
Добивањето на вистинска количина квалитетен сон е клучно за здравјето на имуниот систем. Една студија покажува дека лошиот сон дури може да влијае на ефективноста на вакцините. “Она што го откривме е дека имуниот систем најдобро функционира кога лицето доволно ќе се наспие. Се препорачуваат седум или повеќе часа сон за оптимално здравје“, вели д-р Натаниел Вотсон, директор на Медицинскиот центар за спиење UW Medicine Sleep. “Резултатите се во склад до со студиите кои покажуваат дека кога лицата кои се лишени од сон се вакцинираат, има помал одговор на антителата и со тоа поголема е веројатносте да развијат вирус“.
Осаменост
Осаменоста и стресот може да имаат сериозно влијание врз имуниот систем, покажуваат истражувањата. “Ова многу јасно објаснува зошто осамените луѓе се изложени на зголемен ризик од рак, невродегенеративни болести и вирусни инфекции“, вели Стив Кол, истражувач по геномика на Универзитетот во Калифорнија, Лос Анџелес. “Во овој момент, мојата најдобра претпоставка беше дека осаменоста е навистина едно од најопасните искуства што можеме да ги имаме“, додава тој.
