Никој не сака да се разболи и постојат навистина многу совети кои можат да ни помогнат да ги спречиме болестите, но, исто така, има многу навики кои ги почитувме и ги правиме, а едноставно се некорисни.
Мнозинството од луѓето се плашат од бактериите и се во состојба да сторат сé што е во нивна моќ за да спречат да бидат изложени на нив, но во оваа огромна желба често се случува да веруваме и да правиме работи кои немаат смисла.
Не дишите кога некој ќе кивне
Ова навистина многу луѓе го применуваат, но нема никаков ефект. Во моментот кога некој кива, веќе сте изложени, така што задржувањето на здивот не игра апсолутно никаква улога.
Не ги допирате со раце јавните казачиња
Факт е дека во тоалетите, особено јавните, може да соберете прилично многу бактерии, но ако по пуштањето вода ги измиете рацете, нема потреба да не го допирате казанчето.
Избегнувате да седнете на тоалетните школки во јавен тоалет
Навика на поголемиот дел од жените низ целиот свет, тоа е меѓу првите совети кое секое девојче го добива од мајката, кога треба да употреби јавен тоалет. Но, вистината е, дали ќе седнете или не, сите кои користат јавни тоалети се изложени на микроби во моментот кога ќе пуштат вода во школката со што тие се разнесуваат во воздухот. Докажано е дека шансите за добивање на сексуално пренослива болест преку школката се навистина мали.
Сепак, тоа не треба да значи дека по секоја цена треба да се седне на тоалетна школка, особено ако се гледа дека не е чистена подолго време.
Употреба на средства за дезинфекција на рацете
Геловите за дезинфекција на рацете се наменети за лекарите и медицинските сестри и за нив се апсолутно неопходни. Од друга страна, за сите нас, кои ги употребуваме во секојдневнот живот, антибактерискиот гел може да направи повеќе штета отколку корист. Тоа е затоа што на телото всушност му требаат микроорганизмите за да го гради имунитетот, а геловите уништувајќи ги сите видови микроби го оневозможуваат тоа. Кога се работи за големи нечистотии на рацете, пак, нема ништо подобро од сапун и вода.
Користење ракавици
Ако носите ракавици и на нив ќе се соберат бактерии и нечистотии како и на рацете, што значи дека, ако вистински сакате да се заштитите треба или да ги менувате многу често или, пак, да најдете начин за редовно одржување на хигиената. Во спротивно, нема да има никаква корист од нив.
Користење хируршка маска
Причината поради која носењето хируршка маска ако сме во друштво на настинати или грипозни луѓе, нема да ни помогне е фактот што нивната вистинска цел, заради која ја носат и хирурзите е ние да не пренесеме микроби на другите, а не обратно, ние да се заштитиме од болните.
Што треба всушност да правите за да се заштитите од микробите
Држете се до старите начини на заштита
- редовно мијте ги рацете,
- одржувајте го силен имунитетот,
- поминувајте многу време на чист воздух
- за време на епидемија на грип избегнувајте јавни собири
