Постои огромна разлика меѓу нервозата и паничниот напад. Паниката доаѓа одненадеж, за време на интензивен страв, а симптомите може да траат и до еден час. Најчесто, паничниот напад е проследен со неправилен срцев ритам, болки во градите, прекумерно потење, треска и тешкотии во дишењето. Што предизвикува паничен напад – е индивидуално, па затоа е многу важно да ги идентификувате трегерите за да може да управувате со нив. Сепак, избегнувањето на некои навики, со помош на психотерапевт, може да помогне во намалувањето на паничните напади.
Навики кои предизвикуваат паничен напад
Преувеличување
Претворање на некое случување во нешто многу сериозно, отколку што навистина е, може да влијае на појавата на паничниот напад.
Погрешно толкување на знаците на телото
Погрешното толкување на физичката сензација може да доведе до паничен напад. На пример, доколку прескокнувањето на срцето, што се случува заради бројни здравствени причини, го протолкувате како срцев удар.
Донесување на пребрзи заклучоци
Доколку „трчате пред рака„ и донесувате неосновани и пребрзи заклучоци, може да доведе до загрозување на анксиозноста, што доведува до паничен напад. Само доколку некој, на пример, не ве повикал веднаш или не ви одговорил со СМС порака, не значи дека не сака со вас да се слушне или дека нешто лошо се случило.
Емотивно резонирање
Емотивното резонирање е заклучување врз основа на емотивниот одговор, а не преку логичните случувања или без оглед на фактите. Доколку почувствувате дека нешто треба да направите, не значи дека тоа е исправно.
Премногу време на социјалните мрежи
Социјалните мрежи може да доведат до споредувања, што доведува до бројни негативни мисли, најчесто за себе. А сето ова, и тоа како влијае на зголемниот ризик од паничен напад.
Анализирање
Доколку претерано го анализирате секој изговорен збор или постапка, речиси и не постои шанса, во еден момент да не добиете паничен напад.
Одложување на обврски
Одложувањето на обврските за последен момент доведува до натрупување на работите, малку време, и секако, паника предизвикана во краток рок.
Премногу самотија
Малата изолација им помага на луѓето кои страдаат од анксиозност, но колку ќе бидете изолирани, зависи од вас. Доколку премногу размислувате и анализирате, ќе стигнете до бројни негативни мисли кои понатаму доведуваат до панични напади.
