ВЕЖБАЊЕ
Познато е дека редовната физичка активност е добра за здравјето, но на телото може да му штети прекумерно вежбање и честа посета на теретана. Прекумерното тренирање лесно ќе ги оштети зглобовите, тетивите, лигаментите па дури и срето. Жените кои премногу тренираат може потполно да го прекинат месечниот циклус, а можно е да се губење на коскената маса, што доведува до остеопороза.
Како да препознаете дека е премногу вежбање? Ако вежбањето многу ве исцрпува, по тренингот сте растревожени, лошо спиете, тешко се концентрирате – тоа се знаци кои кажуваат дека треба да забавите.
СПИЕЊЕ
Секој сака да издвои време за одмор и сон, но ако премногу спиете, телото ќе има повеќе штета отколку корист. Истражувањата покажуваат дека повеќе од 8 часа сон секоја ноќ го зголемува ризикот од смрт од срцеви проблеми за 34%. Исто така може да се јават и проблеми со концентрацијата, тежината и нивото на шеќерот во крвта.
АНТИБИОТИЦИ
Антибиотиците убиваат многу бактерии кои предизвикуваат инфекции и болести. Но, истражувањата покажале дека бактериите може да се променат ако често се земаат антибиотици и така да станат отпорни на тие лекови. Земајте антибиотици само кога сте сигурни дека навистина ви се потребни и придржувајте се кон дневните дози кои ви ги одредил лекарот.
УГОДУВАЊЕ НА ДРУГИТЕ
Убаво е чувството кога ќе усреќите други луѓе, но ако постојано на сите им угодувате само да го сочувате мирот во куќа или преземате премногу работи и задачи, бидејќи не знаете да кажете не, тоа ќе ве направи несреќни и само ќе ви наштети.
СЕКС
Редовниот секс е многу здрав но прекумерниот сексуален нагон може да биде сериозен проблем. Ако премногу и пречесто размислувате за сексот и премногу внимание обрнувате на тоа, негативно ќе се одрази на вашиот секојдневен живот и односите. Во некои случаи,преголемиот интерес за секс може да биде предизвикан со други медицински проблеми. Проверете на лекар дали претераната сексуална желба е последица од лековите кои ги земате, евентуално злоставување во минатото, па дури и можеби станува збор за тумор на мозокот.
МИЕЊЕ РАЦЕ
Редовното миење на раце е најдобриот начин да ги елиминирате нечистотиите и бактериите, но пречестото миење не е добро. Истражувањата покажале дека честото миење на раце ја оштетува кожата и на бактериите им дава поволно тло за развивање.
ЗДРАВА ХРАНА
Јадете само здрава храна. Одлично. Но, колку јадете! Прејадувањето предизвикува висок крвен притисок, висок холестерол, дијабетес тип 2, проблеми со коските и зглобовите, проблеми со спиење па дури и депресија.
ВОДА
Иако ретко се случува,, и со вода може да претерате. Во тој случај бубрезите не може доволно брзо да се ослободат од вишокот течности, што ќе предизвика мачнина, слабост, замор, главоболка или во некои потешки случаи и кома и смрт.
ВИТАМИНИ
Витамините може да помогнат во одржувањето на здравјето и енергијата, но само во одредени количини. Премногу железо може да предизвика мачнини и повраќање, а ако претерате со витамин Ц ќе дојде до мачнини, пролив и грчеви во желудникот.
