Почнете редовно да вежбате. Вежбањето го подобрува протокот на крв, а со самото тоа и прeносот на нутриенти до кожата на лицето. Збогатена со квалитетни и хранливи состојки, кожата полесно ќе се спротистави на штетните влијанија од околината и побрзо ќе се регенерира, а така ќе го забави и процесот на стареење.
Престанете да пушите! Ако сакате вашата кожа да остане младолика, престанете веднаш да пушите. Имено, пушењето генерира многу слободни радикали и така го забрзува процесот на стареење на кожата. Алкохолот и цигарите го забрзуваат стареењето на кожата и до 20%.
Спијте кога и да можете! Недоволното спиење претставува уште еден фактор кој придонесува за прерано стареење на кожата. Сонот е неопходен за организмот, бидејќи само во таа состојба стресните хормони паѓаат на најниска точка, што на клетките им дава прилика да се опорават од хемискиот и од механичкиот стрес. Ако не се наспиете, нивото на стрес ќе остане високо, па надбубрежните жлезди ќе лачат повеќе од стресниот хормон – кортизол, кој штетно му влијае на тенот.
Дозволете си моменти на опуштање. Стресот е еден од главните причини за прерано стареење. Поради денешното темпо на живот не можеме да го избегнеме, но може да го намалиме. Секој ден, дозволете си моменти на опуштање, така што ќе одвоите еден час за себе. Медитирајте, правете вежби за дишење, читајте книга, отидете на масажа или некаков козметички третман… било што кое ќе ви помогне да се опуштите и да се чувствувате среќни.
Не заборавете да се смеете. Смеењето го ублажува стресот и неговите влијанија, внесува поголема количина кислород во телото и во мозокот, ја подобрува циркулацијата, произведува хормон на среќа, не прави поздрави, посреќни, поубави…
