Неодамнешна американска студија покажала дека секојдневното утринско мерење на тежината може да помогне во одржувањето на здравата телесна тежина, особено после диета. Најдобро би било наутро штом се разбудите, веднаш да се измерите и да ги забележите вредностите кои ги покажала вагата.
Редовното вежбање (3 до 5 пати неделно), исто така, ги намалува шансите да ги вратите загубените килограми. Не треба ниту да се претерува со вежбањето – доколку си зацртате дека секој ден треба да имате тренинг, постои можност тоа темпо да ви биде пренапорно, како и дека после неколку недели или месеци во потполност ќе прекинете со тренинзите што за возврат ја зголемува можноста од јо-јо ефекти.
Многу е важно и доволно да спиете навечер (минимум 6-7 часа) со оглед на тоа дека недостатокот на сон го намалува создавањето на хормоните на ситост, ја зголемува желбата за висококалорична храна и севкупно лошо влијае на метаболизмот. Здравиот сон, исто така, му помага на телото да се опорави после тренинг и го намалува нивото на хормонот на стрес.
