Секому му се потребни по осум часа сон
Стручњаците со години полемизираат на оваа тема. Востановено е дека недостатокот на сон и физичка активност негативно влијае на здравјето на поединци, но на некои луѓе им се доволни и шест часа сон, а некои не им се доволни ни девет. Секоја личност има различен животен ритам и навики.
Жолтиот шеќер е поздрав од белиот
Голема заблуда – затоа што жолтиот шеќер е ист како и белиот. Единствената разлика е што жолтиот има меласа. Главната заблуда е дека многумина мислат оти тој е поздрав затоа што не е толку сладок како белиот.
Антибиотиците ги убиваат вирусите
Ако сте заработиле грип, тогаш, веројатно, сте добиле препорака да внесувате повеќе течности и да одморате, без атибиотици. Не земајте ништо на своја рака! Антибиотик во овој случај не се дава затоа што тој не ги убива вирусите, туку се препишува само ако се работи за воспаление или бактерија.
Алкохолот ги уништува мозочните ќелии
Никој не препорачува алкохолни пијалаци, освен чаша вино со ручекот, но стручњаците докажале дека е мит оти алкохолот ги уништува мозочните ќелии. Тој влијае на метаболичките процеси и прекумерната доза може да доведе до недостаток на кислород во организмот што доведува до проблеми во конекцијата на клетките во мозокот, но не ги уништува.
