Кај повеќето луѓе со годините телесната тежина се зголемува. Во просeк се дебелиме и до 1 кг годишно, што за една деценија може да доведе и до зголемување на тежината за 10 кг. Кои се навиките заради кои постепено ја зголемуваме тежината, а за тоа стануваме свесни дури кога ќе наталожиме поголем вишок.
– Истражувањата покажале дека личностите кои јадат брзо имаат поголеми шанси да се здебелат, односно да бидат гојазни. Доколку и самите јадете брзо, обидете се да го забавите темпото на тој начин што ќе јадете помали залчиња и повеќе ќе ја џвакате храната.
– Ако не пиете доволно вода, можно е да јадете повеќе од што ви е потребно. Нашето тело можно е погрешно да ја протолкува жедта како глад или потреба за храна.
– Дали внесувате доволно влакна? Едно истражување покажало дека со секои дополнителни 14 грама влакна го намалуваме дневниот калориски внес за 10 проценти. Инаку се препорачува да внесуваме околу 30 г диететски влакна дневно.
– Доколку имате обичај да гледате телевизија додека јадете, време е оваа навика да ја смените. Телевизијата го одвлекува вниманието и научно е потврдено дека заради тоа се зголемуваат шансите во текот на денот да внесеме повеќе храна отколку што ни е потребно.
– Јадете од помали чинии! Истражувањата покажале дека луѓето јадат повеќе кога храната им е сервирана на поголеми чинии. Заради поголемите димензии на чиниите имаме впечаток дека внесуваме помало количество храна, па заради тоа мозокот мисли дека не сме ги задоволиле потребите на телото за храна.
– Се проценува дека во текот на денот седиме од 9 до 11 часа, а студиите покажале дека личностите кои седат долго имаат поголем ризик од прекумерна телесна тежина, како и од хронични заболувања и рана смрт.
– Дали за време на викендот имате обичај да се опуштите и да јадете се што ќе посакате? Многу луѓе се дебелат токму заради промената на рутината за време на викендите. Слободното време искористете го за прошетка во природа, ако останувате дома од видикот тргнете ја брзата храна и слатките.
