Лажен доктор во индиско село ги лекувал жителите од настинка, кашлица и дијареја, а всушност инфицирал со ХИВ најмалку 21 лице употребувајќи заразени игли и шприцеви. Полицијата трага по Раџендр Јадав, кој побегнал во град во северноиндиската држава Утар Прадеш, изјавило државно официјално лице. Жителите на селото велат дека Јадав многу ретко ги менувал иглите, што според официјалните лица на државата најверојатно довело и до инфекцијата со ХИВ
Во здравството на Индија недостасуваат голем број на доктори и здравствени институции, поради што милиони луѓе се принудени да бараат помош од (лажни) доктори, кај кои лекувањето е многу евтино. Заклучно со 2017 година во Индија регистрирани се вкупно 2,1 милион заболени од сида.
